Իրանը հաստատել է Ռուսաստանին բալիստիկ հրթիռների մատակարարման փաստը
![]() 747 Երկուշաբթի, 09 սեպտեմբերի, 2024 թ., 01:12 Իրանի խորհրդարանի ազգային անվտանգության և արտաքին քաղաքականության հանձնաժողովի անդամ Ահմադ Բախշաեշ Արդեստանին հաստատել է այն փաստը, որ Թեհրանը բալիստիկ հրթիռներ է մատակարարել Ռուսաստանին։ Այս հայտարարությունը հնչել է 24 ժամից էլ քիչ այն բանից հետո, երբ ՄԱԿ-ում Իրանի առաքելությունը մերժել է Մոսկվա զենք տեղափոխելու մեղադրանքները։ Didban Iran-ին տված հարցազրույցում Արդեստանին բացատրել է, որ Իրանն ստիպված է Ռուսաստանին զենք վաճառել անհրաժեշտ ապրանքների դիմաց։ «Մենք ստիպված ենք փոխանակում կատարել մեր կարիքները հոգալու համար, այդ թվում՝ սոյայի և ցորենի ներկրումը: Այս փոխանակման շրջանակներում մենք Ռուսաստան ենք ուղարկում և՛ հրթիռներ, և՛ ռազմական անօդաչու սարքեր»,- նշել է նա։ Հարցին, թե արդյոք այդ մատակարարումները կարող են ուժեղացնել Իրանի դեմ պատժամիջոցները, պատգամավորը պատասխանել է. «Ավելի վատ լինել չի կարող։ Մենք հրթիռներ ենք մատակարարում Հեզբոլլահին, ՀԱՄԱՍ-ին և Հաշդ ալ-Շաաբիին, ինչո՞ւ դրանք չուղարկել Ռուսաստան»: Միևնույն ժամանակ, Իրանի արտգործնախարարության խոսնակ Նասեր Քանաանին, մեկնաբանելով Ռուսաստանին հրթիռների մատակարարումների մասին տեղեկատվությունը, ասել է, որ Իրանը «երբեք ռուս-ուկրաինական հակամարտության մաս չի եղել»։ Սակայն նա ընդգծել է, որ Իրանի և Ռուսաստանի միջև ռազմական համագործակցությունն սկսվել է ուկրաինական պատերազմից շատ առաջ։ Այսպիսով, Քանաանին ոչ հաստատել, ոչ հերքել է Ռուսաստանի Դաշնությանը բալիստիկ հրթիռների մատակարարումը։ Սեպտեմբերի 6-ին The Wall Street Journal-ը, վկայակոչելով ամերիկացի և եվրոպացի պաշտոնյաներին, հայտնել է, որ Իրանը Ռուսաստանին է մատակարարել «մի քանի հարյուր» փոքր հեռահարության բալիստիկ հրթիռ։ Ըստ The Times-ի՝ խոսքը 200 Fateh-360 հրթիռների մասին է, որոնք սեպտեմբերի 4-ին հասել են Կասպից ծովի նավահանգիստներից մեկը։ Աղբյուրները նշում են, որ Իրանը կշարունակի մատակարարումները։ Եվրոպացի պաշտոնյաները հայտնել են, որ ԱՄՆ-ի հետ միասին սկսել են պատժամիջոցներ պատրաստել Իրանի դեմ։ Սահմանափակումները կվերաբերեն իրանական ֆիզիկական անձանց և ընկերություններին, այդ թվում՝ տրանսպորտային ընկերություններին, որոնք զբաղվում են Ռուսաստանին սպառազինությունների մատակարարմամբ։ Բացի այդ, ազգային ավիափոխադրող Iran Air-ին կարգելվի թռիչքներ կատարել դեպի Եվրոպա։ Ըստ Պատերազմի ուսումնասիրման ինստիտուտի (ISW), ռուսական բանակը կարող է սկսել իրանական բալիստիկ հրթիռներով Ուկրաինայի քաղաքացիական և էներգետիկ ենթակառուցվածքները թիրախավորել արդեն այս աշնանը կամ ձմռանը: |
«Լռող հասարակությունը կձուլվի, կգնա գրողի ծոցը թուրք հասարակության մեջ». Գայանե Ասլամազյան
12704:06«Ծառեր են տապալվել, սակայն թափուկը բնակիչներին չեն տալիս». Ոսկան Սարգսյան
16103:12«Ավինյան, էս ինչ ստեր եք ասում». Պեդրո Զարոկյան (տեսանյութ)
16700:24«Նիկոլը ՍՊԻԴ-ի պես բան է. համ ինքն է վարի գնում, համ էլ նա, ով հետը եղավ». Արամ Գևորգյան
14600:18«Փորձեմ հետ պահել Մկրտիչ Արզումանյանին հնարավոր նիկոլացման կործանարար ճանապարհից». Նաիրի Հոխիկյան
21100:06«Ինչպես հակադարձել, երբ արվեստի ներկայացուցչին պարտադրում են լինել քարոզիչ». Լիկա Թումանյան (տեսանյութ)
173Երեկ, 23:36«Ինչպե՞ս կվերաբերվեք, եթե Թուրքիայի սահմանային կնիքի վրա հայտնվի Արագածի պատկերը». Գևորգ Պապոյան (լուսանկար)
170Երեկ, 23:06«Մենք առաջարկում ենք խաղաղության միակ իրատեսական պլանը՝ ի տարբերություն Փաշինյանի նախընտրական խաբեության». Լևոն Զուրաբյան
180Երեկ, 22:36