Առեղծվածային դեպք՝ Արմավիրում. լոգարանում հայտնաբերվել է գործարարի մարմինը

Այսօր՝ սեպտեմբերի 9-ին, առեղծվածային ու ողբերգական դեպք է տեղի ունեցել Արմավիրի մարզում։ Ժամը 11:00-ի սահմաններում ՀՀ ՆԳՆ ոստիկանության Վաղարշապատի բաժնում տեղեկություններ են ստացվել, որ իրենց կողմից սպասարկվող գյուղերից մեկի տանը տղամարդու դի կա։ Ինչպես հայտնում է Գագիկ Շամշյանը, ոստիկաններն ու քննիչները նշված տան լոգարանում հայտնաբերված տղամարդու դիակի մոտ հայտնաբերել են նաև ատրճանակ։ Ըստ նախնական տեղեկությունների՝ նա ինքնասպան է եղել: Պարզվել է, որ մահացածը Երևանի բնակիչ 38-ամյա Լ. Ե-ն է: Ֆոտոլրագրողի տեղեկություններով՝ վերջինս գործարար էր, իսկ ատրճանակը, որով ենթադրաբար նա կատարել է ինքնասպանություն, նրան որպես պարգևատրում նվիրել էր Արցախի Հանրապետության նախկին նախագահներից մեկը։