Ուկրաինան սկսել է կարևոր նշանակության արկերի արտադրություն

520

Շաբաթ, 14 սեպտեմբերի, 2024 թ., 23:24

Ուկրաինան սկսել է սեփական՝ 155 մմ տրամաչափի հրետանային արկերի արտադրությունը, գրում են ուկրաինական լրատվամիջոցները։
«Ուկրոբորոնպրոմի» նախկին ղեկավար Ալեքսանդր Կամիշինի խոսքով՝ սա բարդ և տեխնոլոգիապես զարգացած գործընթաց է, որը երկրում նախկինում չի իրականացվել: Այնուամենայնիվ, չնայած դժվարություններին, պաշտպանական ոլորտում արտադրական հզորությունները կրկնապատկվել են և մինչև տարեվերջ ակնկալվում է, որ այն կեռապատկվի:

Կամիշինն ընդգծել է, որ այդ արկերի սեփական արտադրության գործարկումը կարևոր նպատակ է, որը ձեռք է բերվել ռուսական ագրեսիային ակտիվ հակազդեցության համատեքստում։ Նա նշել է, որ նախագծի մանրամասները մնում են գաղտնի, սակայն արտադրությունն արդեն մեծ թափով ընթանում է։