Ուրբաթ, 13 մարտի, 2026 թ.
|
Ստեփանակերտում`   +4 °C

G7-ի ԱԳ նախարարներն Իրանից պահանջել են դադարեցնել ՌԴ-ին բալիստիկ հրթիռների մատակարարումը

G7-ի ԱԳ նախարարներն Իրանից պահանջել են դադարեցնել ՌԴ-ին բալիստիկ հրթիռների մատակարարումը
1155
Կիրակի, 15 սեպտեմբերի, 2024 թ., 12:12

G7-ի երկրների արտգործնախարարները հանդես են եկել համատեղ հայտարարությամբ՝ դատապարտելով Իրանին՝ ՌԴ-ին բալիստիկ հրթիռներ մատակարարելու համար, փոխանցում է BBC-ն։
Ավելի վաղ արևմտյան երկրները հայտնել էին, որ Իրանը Ռուսաստանին է մատակարարել առաջին Fath-360 հրթիռները։ Թեհրանը հերքել էր դա, իսկ Մոսկվան հրաժարվել մեկնաբանություններից։
«Իրանը պետք է անհապաղ դադարեցնի Ուկրաինայի դեմ Ռուսաստանի անօրինական պատերազմին աջակցությունը և դադարեցնի բալիստիկ հրթիռների, անօդաչու թռչող սարքերի մատակարարումները, որոնք վտանգ են ներկայացնում ուկրաինացի ժողովրդի համար»,- ասվում է հայտարարության մեջ։
Հիշեցնենք՝ սեպտեմբերի 10-ին Մեծ Բրիտանիան, Ֆրանսիան, Գերմանիան և ԱՄՆ-ն նոր պատժամիջոցներ էին սահմանել Իրանի դեմ։