ԱՄՆ-ն ատոմային հարվածային նոր սուզանավ ունի

ԱՄՆ-ի ռազմածովային ուժերը համալրվել են Վիրջինիա դասի նոր միջուկային սուզանավ USS New Jersey-ով: Այս մասին հայտնում է Fox News-ը։

Հեռուստաալիքի տվյալներով՝ սուզանավը ստացել է «Ջերսի աղջիկ» ոչ պաշտոնական անվանումը։

115 մետր երկարությամբ սուզանավն ունակ է իջնել ավելի քան 250 մետր խորության վրա և արագացնել ժամում մինչև 25 հանգույց, նշում է Fox News-ը։

Սեպտեմբերի 6-ին Փենտագոնի Stars and Stripes թերթը գրել էր, որ ԱՄՆ-ի ռազմածովային ուժերի նոր սուզանավեր կկառուցվեն՝ հաշվի առնելով կին զինվորների համար պայմանների ստեղծումը։ Նյութում նշվում է, որ Նյու Ջերսիի նոր սուզանավը լիովին ինտեգրված է համատեղ անձնակազմերի համար։ Հոդվածի հեղինակները պնդում են, որ այս նավն ի սկզբանե նախագծվել է՝ հաշվի առնելով կին զինվորների կարիքները, այլ ոչ թե վերափոխվել է՝ այլ սուզանավերի նման։