Իրանի նախագահը խոստովանել է, որ ԱՄՆ-ն ու Եվրոպան սպառնում են իրենց

Իրանը չի ձգտում միջուկային զենք ձեռք բերել, բայց ԱՄՆ-ն ու Եվրոպան սպառնում են նրան՝ ստիպելով հրաժարվել հրթիռների մշակումից: Այս մասին իրանցի և օտարերկրյա լրագրողների մասնակցությամբ՝ որպես նախագահ իր առաջին ասուլիսի ժամանակ ասել է Իրանի Հանրապետության նախագահ Մասուդ Փեզեշքիանը։

«Մենք չենք ձգտում միջուկային զենք ձեռք բերել։ ԱՄՆ-ն և Եվրոպան մեզ սպառնում են, որ մենք դադարեցնենք հրթիռային ծրագրերը. եթե ​​մենք չունենանք հրթիռներ, նրանք մեզ վրա ռումբեր կարձակեն, ինչպես Գազայի հատվածում»,- ասել է Իրանի նախագահը։

Նրա խոսքով՝ Իրանը երբեք չի ցանկացել որևէ հակամարտություն հրահրել, սակայն Իսրայելը փորձել է Թեհրանին ներքաշել պատերազմի մեջ՝ մայրաքաղաքում սպանելով ՀԱՄԱՍ-ի քաղբյուրոյի ղեկավար Իսմայիլ Հանիեին։