ԱՏԷՄԻԳ-ը Ռուսաստանից պահանջում է Ուկրաինային վերադարձնել Զապորոժիեի ԱԷԿ-ը

1038

Ուրբաթ, 20 սեպտեմբերի, 2024 թ., 20:26

ԱՏԷՄԻԳ-ի (Ատոմային էներգիայի միջազգային գործակալություն) Գլխավոր կոնֆերանսում, որը տեղի է ունեցել սեպտեմբերի 16-20-ը Վիեննայում, ընդունվել է «Ուկրաինայում միջուկային անվտանգությունը, պաշտպանությունը և երաշխիքները» բանաձևը։
Դրանում ասվում է, որ գործակալությունը «կոչ է անում շտապ դուրս բերել բոլոր չարտոնված զինվորականներին և այլ անձնակազմին ուկրաինական Զապորոժիե ատոմակայանից և անհապաղ ատոմակայանը վերադարձնել ուկրաինական իրավասու իշխանությունների լիակատար վերահսկողությանը», հաղորդում է BBC-ն։

Մինչև Զապորոժիեյի ԱԷԿ-ը Ուկրաինայի վերահսկողությանը վերադարձնելը, ասվում է փաստաթղթում, Ռուսաստանից պահանջվում է ԱՏԷՄԻԳ-ին անսահմանափակ մուտք ապահովել ատոմակայանի բոլոր օբյեկտներին և տեղեկատվությանը:

Ռուսական զորքերը գրավեցին Զապորոժիեի ատոմակայանը 2022 թվականի փետրվարին լայնածավալ ներխուժումից անմիջապես հետո։ Այդ ժամանակից ի վեր ատոմակայանը էլեկտրաէներգիա չի արտադրել, սակայն ինքնին էլեկտրաէներգիայի մշտական մատակարարում է պահանջում՝ ռեակտորներից մեկը հովացնելու համար, որն ամբողջությամբ անջատված չէ ցանցից։

Պարբերաբար կայանը ենթարկվում է գնդակոծությունների, ինչի համար Մոսկվան և Կիևը մեղադրում են միմյանց։