«Օրենքի պահապաններն առաջինը պետք է հետևեն օրենքին». Արսեն Թորոսյան

ԱԺ «Քաղաքացիական պայմանագիր» խմբակցության պատգամավոր Արսեն Թորոսյանը տեսանյութ է տարածել իր էջում՝ կից գրառմամբ․ «Ինչպես մեր բազմաթիվ քաղաքացիներ արդարացիորեն պնդում են, օրենքի պահապաններն առաջինը պետք է հետևեն օրենքին և հետո միայն պահանջեն դա մյուսներից։
«Սյունիք ԹիՎի»-ի կից ռեպորտաժը ճանապարհային անվտանգության և հատկապես ամրագոտիների մասին է, որոնք կարող են փրկել ձեր կյանքը։
Հիմա քանի դեռ ՆԳՆ և Ոստիկանության, ինչպես նաև մնացած բոլոր պետական գերատեսչությունների պաշտոնյաներն ու ծառայողները վերից վար հենց իրենք ամրագոտի չկապեն, մենք այդ պարզ կանոնը չենք կարողանալու և բարոյական իրավունք էլ չենք ունենալու պարտադրել մեր քաղաքացիներին, իսկ փաստն այն է, որ վերոնշածը շատ հեռու է իրականությունից»։