ԱՄՆ-ն ուժեղացնում է ամերիկյան զորախումբը Մերձավոր Արևելքում

Ամերիկյան հրամանատարությունը որոշել է ուժեղացնել ամերիկյան զորախումբը Մերձավոր Արևելքում։ Այս մասին երկուշաբթի հայտնել է Associated Press գործակալությունը՝ վկայակոչելով Փենթագոնի խոսնակ Փեթ Ռայդերին։

ԱՄՆ-ն ավելի շատ զորքեր է ուղարկում Մերձավոր Արևելք, քանի որ Իսրայելի և «Հեզբոլլահի»-ի միջև բռնությունների մակարդակը բարձրացել է՝ սպառնալով ավելի լայն տարածաշրջանային պատերազմով:

Ռայդերը չի հստակեցրել, թե ԱՄՆ-ի քանի զինծառայող է տեղափոխվելու տարածաշրջան կամ ինչ առաքելություններ են լինելու:

AP-ն հիշեցնում է, որ ԱՄՆ-ն ներկայումս ունի մոտ 40 հազար զինվոր Մերձավոր Արևելքում։