Ֆրանսիան ևս խստացնում է միգրացիոն քաղաքականությունը
![]() 2970 Կիրակի, 29 սեպտեմբերի, 2024 թ., 19:18 Ֆրանսիայի նոր կառավարությունը պատրաստվում է կոշտ մոտեցում ցուցաբերել միգրացիոն խնդիրների նկատմամբ: Առանցքային պաշտոնյաները խոստացել են զգալիորեն կրճատել երկիր անօրինական մուտք գործող և այնտեղ գտնվող մարդկանց թիվը, հայտնում է Associated Press-ը։ Հունիսի արտահերթ խորհրդարանական ընտրություններից հետո նախագահ Էմանուել Մակրոնը վարչապետ նշանակեց պահպանողական հանրապետական կուսակցության վետերան Միշել Բարնիերին՝ հուսալով, որ կառավարության նոր ղեկավարը կաշխատի պառակտված օրենսդիր մարմնի հետ՝ վերջ դնելու քաղաքական իրարամերժությանը: Բարնիեի կառավարությունը, որտեղ գերակշռում են պահպանողականներն ու կենտրոնամետները, չունի մեծամասնություն խորհրդարանում, և ցանկացած նոր օրենսդրություն ընդունելու փորձերը անխուսափելիորեն կբախվեն ընդդիմության դիմադրությանը և, հնարավոր է, արգելափակվեն: Ազգային ժողովը ներկայում բաժանված է երեք հիմնական քաղաքական դաշինքների միջև՝ արմատական ձախակողմյան «Նոր ժողովրդական ճակատ» կոալիցիան, Մակրոնի կենտրոնամետ դաշնակիցները, որոնք համաձայնության են եկել պահպանողականների հետ և ծայրահեղ աջ «Ազգային միաբանություն» կուսակցությունը, որը ամենամեծ կուսակցությունն է նոր ասամբլեայում: Նոր վարչապետն իր առաջնահերթությունները կներկայացնի երեքշաբթի Ազգային ժողովում նախատեսված ընդհանուր քաղաքականության ելույթում։ Վերջին հեռուստատեսային հարցազրույցներում Բարնյեն քննադատել է Ֆրանսիայի սահմանները՝ դրանք համարելով «մաղեր» և մտահոգություն հայտնել, որ «միգրացիոն հոսքերը չեն վերահսկվում»։ Նա խոստացել է զսպել ներգաղթը՝ վկայակոչելով հարևան երկրների կողմից ձեռնարկված միջոցները, ինչպիսիք են Գերմանիան, որոնք այս ամսվա սկզբին խստացրել են վերահսկողությունը բոլոր ցամաքային սահմաններում: |
«Այլընտրանքային կաթողիկոս կամ Հ1-ի ջանքերը ոչ մի կերպ չեն ստացվում». Տիգրան Դավուդյան
11918:48««Արմավիր Գարդեն» հանրային սննդի օբյեկտի գործունեությունը կասեցված է»․ ՍԱՏՄ
11218:24«Հսկայական գումարներ են տրամադրվում, սա՞ է որակը». Քրիստինա Վարդանյան
15417:36«Մարտունակ բանակ ունենալը գոյության հարց է»․ Մհեր Մելքոնյան
8617:30Էդգար Ղազարյանի բացակայելու արգելք խափանման միջոցը վերացվեց
14116:48Էդգար Ղազարյանի գործով դատական նիստը․ ՈՒՂԻՂ ՄԻԱՑՈՒՄ
15316:42«Այդ կնոջ ամուսինը հայհոյանքներ է ուղարկել ինձ․ ՔԿ-ն կպարզի՝ ով է ճիշտ, ով՝ սխալ»․ Սուրեն Թովմասյան (տեսանյութ)
13314:18«Սպասվում է անձրև, ամպրոպ և ջերմաստիճանի անկում»․ Գագիկ Սուրենյան (տեսանյութ)
19713:30