«Իրանը մերձավորարևելյան միակ պետությունն է, որը կամք ունեցավ վրիժառական հարձակման Իսրայելի վրա». Վարդան Ոսկանյան

ԵՊՀ արևելագիտության ամբիոնի վարիչ, իրանագետ Վարդան Ոսկանյանը գրում է. «Իրանական վրիժառության գործողությունը տեղի ունեցավ Իսրայելի ուղղությամբ հուժկու հրթիռային հարվածով։ Համացանցում այժմ քարոզչական պայքար է տեղեկատվության և ապատեղեկատվության հսկայական հոսքերով, ուստի առայժմ շատ վաղ է եզրակացություններ անելու համար։

Պարզ է մի բան՝ Իրանը մերձավորարևելյան միակ պետությունն է, որը ոչ միայն ունի կամք և խիզախություն՝ վրիժառական հարձակում իրականացնելու Իսրայելի վրա, այլ նաև նման գործողության համար անհրաժեշտ ռազմատեխնիկական ներուժ, որի միայն աննշան մասն է օգտագործվում արդեն երկրորդ նման հարձակման ընթացքում»,- գրել է նա: