«Այս հարձակումը կունենա հետևանքներ, սարսափելի հետևանքներ». Ջեյք Սալիվան

ԱՄՆ-ի վարչակազմը պնդում է, որ Իսրայելի վրա այսօրվա հրթիռային հարձակումը լուրջ հետևանքներ կունենա Իրանի համար։ Այս մասին հայտարարել է ԱՄՆ-ի նախագահի ազգային անվտանգության գծով օգնական Ջեյք Սալիվանը՝ ելույթ ունենալով Սպիտակ տանը կայացած հատուկ ճեպազրույցում։

«Պատասխանը հիմնված կլինի իսրայելցի մեր գործընկերների հետ բանակցությունների ու խորհրդակցությունների վրա։ Դեռ վաղ է, որ ես պատասխան տամ։ Մենք հստակ հասկացրել ենք, որ այս հարձակումը կունենա հետևանքներ, սարսափելի հետևանքներ, և մենք կաշխատենք իսրայելցիների հետ, որպեսզի համոզվենք, որ դա այդպես է»,- ասել է Սալիվանը: