«Դե հիմա համեմատեք հայկական իրականության հետ ու հասկացեք»․ Արգիշտի Կիվիրյան

Վերլուծաբան Արգիշտի Կիվիրյանի ֆեյսբուքյան գրառումը․ «Նախօրեին Սինգապուրի նախկին տրանսպորտի նախարար Սուբրամանիամա Իսվարանային դատարանը դատապարտեց մեկ տարի կալանքի այն բանի համար, որ նա մասնավոր ընկերություններից ընդունել է նվերներ։ Նվերների շարքում եղել են հեծանիվ, խմիչք, ավտոերթի տոմսեր, ինչպես նաև մասնավոր ինքնաթիռով թռիչք։ Այսքան նվերը բավարար է եղել պաշտոնանկության, դատավարության ու մեկ տարով նախարարին բանտ ուղարկելու համար։ Դե հիմա համեմատեք հայկական իրականության հետ, ու հասկացեք, թե ինչու է Սինգապուրը Սինգապուր, իսկ Հայաստանը անկախությունից ի վեր վերածվել է անասնագոմի, որտեղից ով հասցնում մի բան փախցնում է...»։