«Հատվել է ևս մեկ կարմիր գիծ». Իսրայելը հարվածել է Լիբանանում ՄԱԿ-ի խաղաղապահ կենտրոնակայանին
652 Հինգշաբթի, 10 հոկտեմբերի, 2024 թ., 22:12 Լիբանանում ՄԱԿ-ի ժամանակավոր ուժերի բազաները, որոնք տեղակայված են երկրի հարավում՝ Իսրայելի հետ սահմանին, հայտնվել են իսրայելական զինվորականների կրակի տակ։ Ինդոնեզիայի զորախմբի երկու խաղաղապահ վիրավորվել է։ Գնդակոծության են ենթարկվել իտալական 2 և Ինդոնեզիայի հսկողության տակ գտնվող 1 բազա։ Իտալացի զինվորականները չեն տուժել։ Դիրքերն առանձնապես չեն տուժել, քանի որ հրետակոծությունն իրականացվել է նրանց շրջապատող առարկաների, մասնավորապես՝ արտաքին հսկողության տեսախցիկների վրա։ Իտալիայի վարչապետ Ջորջիա Մելոնին անընդունելի է անվանել ՄԱԿ-ի ժամանակավոր ուժերի բազայի վրա հարվածը և բողոք է հայտնել Թել Ավիվին։ «Իտալիայի կառավարությունը պաշտոնական բողոք է ներկայացրել Իսրայելի իշխանություններին և վճռականորեն հայտարարել, որ այն, ինչ կատարվում է ՅՈՒՆԻՖԻԼ կոնտինգենտի բազայի մոտ, անընդունելի է»,- ասվում է վարչապետի մամուլի ծառայության հաղորդագրության մեջ։ Այս առիթով պաշտպանության նախարար Գիդո Կրոզետտոն զրույցի է կանչել Իտալիայում Իսրայելի դեսպանին։ Ավելի վաղ Իտալիայի արտաքին գործերի նախարար և փոխվարչապետ Անտոնիո Տայանին հայտարարել էր, որ իսրայելական կողմից երաշխիքներ է ստացել, որ խաղաղապահ կոնտինգենտը, որի կազմում ընդգրկված է մոտ 1000 իտալացի, ապահովվելու է անվտանգության երաշխիքներով։ ԵՄ դիվանագիտական ծառայության ղեկավար Ժոզեպ Բորելը հայտարարել է, որ ոչ մի արդարացում չկա իսրայելական բանակի կողմից Լիբանանում ՄԱԿ-ի խաղաղապահների դիրքերի գնդակոծման համար, ևս մեկ կարմիր գիծ է հատվել։ «Լիբանանում վտանգավոր կերպով հատվել է ևս մեկ կարմիր գիծ, երբ իսրայելական ուժերը կրակում են ՄԱԿ-ի խաղաղապահների ուղղությամբ, որոնց դիրքերը հայտնի էին: Մենք դատապարտում ենք այս անընդունելի արարքը, որի համար ոչ մի արդարացում չի կարող լինել»,- գրել է Բորելը X-ում (նախկինում՝ Twitter): |
«Թալան՝ Երևանի մետրոպոլիտենում»․ Կարեն Հեքիմյան
1912:12«Բրեժնևի կերպարով բեմ դուրս եկած այս պատուհասի մեդալներից միայն մեկն է պետական պարգև»․ Էդգար Ղազարյան
7811:30««Խաղաղության խաչմերուկ» նախագիծն Ադրբեջանին մտահոգում է նրանով, որ կարող է տասնյակ միլիարդների օգուտներ բերել ՀՀ-ին»․ Նիկոլ Փաշինյան (տեսանյութ)
5211:24«Խաղաղության խաչմերուկ. միավորելով անվտանգությունն ու ժողովրդավարությունը» թեմայով քննարկումը՝ ուղիղ միացմամբ (տեսանյութ)
6610:54«Ադրբեջանական քարոզչական կանալներից մեկը սադրիչ ու վտանգավոր «արտահոսք» է հրապարակել»․ Տիգրան Աբրահամյան
12710:06«Դատարանը շարունակում է սահմանափակված պահել Արմեն Աշոտյանի մի շարք հիմնարար ազատություններ»․ Ռուբեն Մելիքյան
7810:00Գերիների հարցն Ադրբեջանը չի էլ քննարկում․ «Հրապարակ»
8409:30Սպասվող եղանակի մասին (լուսանկար)
11808:36