Իսրայելը դիմել է ՄԱԿ-ի խաղաղապահներին

Իսրայելը կենտրոնացած է «Հեզբոլլահ»-ի դեմ պայքարի վրա և խորհուրդ է տալիս, որ հարավային Լիբանանում գտնվող ՄԱԿ-ի խաղաղապահ ուժերը (UNIFIL) նահանջեն 5 կմ հյուսիս, ասել է ՄԱԿ-ում Իսրայելի մշտական ​​ներկայացուցիչ Դենի Դանոնը։
«Մենք խորհուրդ ենք տալիս ՅՈՒՆԻՖԻԼ-ին շարժվել 5 կմ դեպի հյուսիս՝ վտանգից խուսափելու համար, քանի որ մարտերը սաստկանում են, իսկ Կապույտ գծի երկայնքով իրավիճակը մնում է անկայուն «Հեզբոլլահ»-ի ագրեսիայի հետևանքով»,- ասել է Դանոնը:

Դանոնն ընդգծել է, որ Իսրայելը չի ​​ձգտում մնալ Լիբանանում, սակայն «պատրաստ է ձեռնարկել անհրաժեշտ քայլեր՝ «Հեզբոլլահ»-ի ահաբեկիչներին հյուսիսային սահմանից հեռացնելու և իրենց երկրում փախստական ​​դարձած 70 հազար իսրայելցիների անվտանգությունն ապահովելու համար»:

UNIFIL-ը հայտնել է, որ Իսրայելի պաշտպանության ուժերը միտումնավոր գնդակոծել են Ռաս ալ-Նակուրա հրվանդանում խաղաղապահների շտաբի տարածքում գտնվող թիրախը, հարձակումն իրականացվել է Մերկավա տանկի միջոցով։