Արտաշատում նոր եկեղեցի է հայտնաբերվել, ամենայն հավանականությամբ` առաջին եկեղեցին Հայաստանում
155 Այսօր, 18:48 ՀՀԳԱԱ Հնագիտության և ազգագրության ինտիտուտի և Մյունստերի համալսարանի հնագետներն Արտաշատ քաղաքի մոտակայքում իրականացվող հնագիտական պեղումների ժամանակ հայտնաբերել են նախկինում անհայտ վաղքրիստոնեական տաճարի հիմքեր: Տաճարն իրենից ներկայացնում է խաչաձև հատակագծով ութանկյուն շինություն: Հնագետները պեղել են եկեղեցու տարբեր հատվածները և ուսումնասիրել ռադիոֆիզիկական մեթոդով: «4-րդ դարով թվագրվող այս շինությունը, որը կարելի է համարել Հայաստանի տարածքում փաստագրված ամենահին եկեղեցին, ցնցող ապացույց է Հայաստանում վաղմիջնադարի առկայության մասին»,- նշել է Մյունստերի համալսարանի պրոֆեսոր Ախիմ Լիխտենբերգը: Տիպաբանորեն այս կառույցը համապատասխանում է վաղքրիստոնեական նմանատիպ կառույցներին: Խաչաձև հատվածներում ուսումնասիրողները հայտնաբերել են փայտե հարթակներ, որոնք ռադիոածխածնային մեթոդով թվագրվել են 4-րդ դարի կեսերով: 30 մետր շառավղով ութանկյուն այս շինությունն ունեցել է հասարակ շաղախե հատակ և տերակոտե սալիկներ: Մարմարի գտածոները խոսում են այն մասին, որ այս շինանյութը բավականին շռայլորեն կիրառվել է շինության մեջ և բերվել է միջերկրածովյան տարածքներից: Հայ-գերմանական խումբն Արտաշատում պեղումներ է իրականացնում սեպտեմբեր ամսից: Նրանք շարունակում են իրենց աշխատանքները և հույս ունեն նոր բացահայտումներ կատարել, այդ թվում այն, թե ո՞ւմ է նվիրված եղել եկեղեցին: |
Արտաշատում նոր եկեղեցի է հայտնաբերվել, ամենայն հավանականությամբ՝ առաջին եկեղեցին Հայաստանում
13918:48Ազգային երգն պարը պրոբլեմ են դարձել դպրոցներում. «Ժողովուրդ»
17609:12Մահացել է երգչուհի Զառա Տոնիկյանը (տեսանյութ)
324Երեկ, 16:12«Քոբայր, Հավուց Թառ, Մաթոսավանք, Ջուխտակ վանք... Երբ գնաս, մեջը կով է ու թրիք». Յաշա Սոլոմոնյան (տեսանյութ)
240Երեկ, 00:12«Ազգային պատկերասրահի ղեկավարությունը դեմ է դուրս եկել Փաշինյանին»․ Էդգար Ղազարյան
35710.10.2024, 13:24«Երուսաղեմում գտնված սալիկապատ հատակ». Խաժակ Սիրեկանյան
34610.10.2024, 03:06Հայոց ցեղասպանության թանգարան-ինստիտուտը հայտարարություն է տարածել
41408.10.2024, 23:30Երևանի քաղաքապետի ոսկե մեդալ՝ աշխարհահռչակ տենոր Պլասիդո Դոմինգոյին
40707.10.2024, 21:48