«Զելենսկին առաջիկայում ուկրաինացիներին կներկայացնի «հաղթանակի ծրագիրը»»․ Պոդոլյակ

Ուկրաինայի նախագահի աշխատակազմի ղեկավարի խորհրդական Միխայիլ Պոդոլյակը հայտնել է, որ Վլադիմիր Զելենսկին մոտ օրերս ուկրաինացիներին կներկայացնի «հաղթանակի ծրագիրը»։ Նրա խոսքով, հիմնական ուղղություններն արդեն ներկայացվել են։
«Կարևոր է հասկանալ, թե պատերազմի որ փուլում ինչ ենք անում։ Կարծում եմ՝ նախագահը բավականին արդյունավետ կներկայացնի այն»,- ասել է Պոդոլյակը։
Սեպտեմբերի կեսերին նա հայտնել էր, որ «չկան տարածքներ հանձնելու, հակամարտությունը սառեցնելու հայեցակարգեր»։
Հիշեցնենք՝ Զելենսկին իր «հաղթականի ծրագիրը» ներկայացրել էր ԱՄՆ նախագահ Ջո Բայդենին, ինչպես նաև նախագահի թեկնածուներ Քամալա Հարիսին և Դոնալդ Թրամփին։