Ադրբեջանի խորհրդարանի նախագահը մերժել է Ալեն Սիմոնյանին, բայց հանդիպել է Իրանի խորհրդարանի նախագահին

3253

Երկուշաբթի, 14 հոկտեմբերի, 2024 թ., 20:30

Ժնևում հանդիպում է կայացել Ադրբեջանի Միլի Մեջլիսի նախագահ Սահիբա Գաֆարովայի և Իրանի Իսլամական խորհրդի Մեջլիսի նախագահ Մոհամմադ Բաղեր Ղալիբաֆի միջև, հայտնում է Միլի Մեջլիսի մամուլի ծառայությունը։

Զրույցում Իրանի խորհրդարանի նախագահը հայտնել է Իսլամական Հանրապետության շահագրգռվածությունը Ադրբեջանի հետ հարաբերությունների հետագա ամրապնդման հարցում։ Ղալիբաֆը նշել է, որ Իրանը հատուկ նշանակություն է տալիս Ադրբեջանի հետ հարաբերություններին։ Նա հավելել է, որ հարաբերությունների հետագա ընդլայնման վերաբերյալ դիրքորոշումը կշարունակվի խորհրդարանական մակարդակով։
Նրա խոսքով՝ Իրանը կարծում է, որ տնտեսական և մշակութային կապերի հետագա ամրապնդումը կնպաստի խաղաղությանն ու անվտանգությանը ողջ տարածաշրջանում։ Նշվել է, որ պետք է լայնորեն օգտագործել տնտեսական համագործակցության հնարավորությունները, այդ թվում՝ տրանսպորտի և տարածաշրջանային հաղորդակցությունների համար։ Իրանի խորհրդարանի նախագահը նշել է «3+3» ձևաչափով համագործակցության կարևորությունը։