Իլհամ Ալիևն անդրադարձել է Նիկոլ Փաշինյանի «տարօրինակ առաջարկին»

Ադրբեջանի նախագահ Իլհամ Ալիևը Ադրբեջանում Բելգիայի Թագավորության արտակարգ և լիազոր դեսպան Ժուլիեն դե Ֆրայպոնի հավատարմագրերի ընդունման արարողության ժամանակ ասել է, որ Բրյուսելն այն վայրն է, որտեղ Եվրոմիության խորհրդի նախագահ Շառլ Միշելի աջակցությամբ Հայաստանի և Ադրբեջանի միջև բանակցությունները հաջողությամբ ընթացել են և կարևոր առաջընթաց է գրանցվել։ Բայց, ցավոք, հայկական կողմը որոշեց չշարունակել այս գործընթացը, որը կոչվում է Բրյուսելյան գործընթաց։ Երկրի ղեկավարն ընդգծել է, որ խաղաղության պայմանագրի բոլոր կետերը հավասար են և չեն կարող անջատվել միմյանցից։ Նախագահ Իլհամ Ալիևն ասել է, որ այս առումով ինքը Հայաստանի կառավարության տարօրինակ առաջարկը՝ «ստորագրել այն ամենը, ինչի շուրջ համաձայնեցվել է, և չհամաձայնեցված դրույթները թողնել հետագա փուլերի համար», լիովին հեռու է իրականությունից և ընդգծել, որ ինքը տեղյակ չէ նման մոտեցման նախադեպի մասին: