Երեքշաբթի, 10 մարտի, 2026 թ.
|
Ստեփանակերտում`   -1 °C

«Հայաստանը պատրաստ է խաղաղության պայմանագիր կնքել թեկուզ այսօր». Ալեն Սիմոնյան

«Հայաստանը պատրաստ է խաղաղության պայմանագիր կնքել թեկուզ այսօր». Ալեն Սիմոնյան
595
Երեքշաբթի, 15 հոկտեմբերի, 2024 թ., 15:12

ՀՀ ԱԺ նախագահ Ալեն Սիմոնյանը ելույթ է ունեցել Միջխորհրդարանական միության 149-րդ վեհաժողովի ընդհանուր քննարկումներում: Հատված ելույթից. «Ինչ վերաբերում է խաղաղության հաստատմանը, ցանկանում եմ տեղեկացնել, որ Հայաստանն ու Ադրբեջանը համաձայնության հասնելու շեմին են: Այն համատեքստում, երբ խաղաղ գործընթացը լրջորեն սկսվեց ամիսներ առաջ, Ադրբեջանը ցանկանում էր մեր համաձայնությունը միջազգայնորեն ճանաչված 5 կետի շուրջ: Ուրախ եմ տեղեկացնել, որ այսօր մենք համաձայնության ենք եկել 16 կետի շուրջ:

Տիկնա՛յք և պարոնա՛յք, կատարյալն այլևս չպետք է լինի լավի թշնամին: Եկել է խաղաղություն հաստատելու ժամանակը. խաղաղության ժամանակը հիմա է:

Մենք հրավիրում ենք Ադրբեջանին դրսևորել քաղաքական կամք, օգտվել պահից և միանալ մեզ՝ հնարավորն իրականություն դարձնելու համար:

Հայաստանը պատրաստ է խաղաղության պայմանագիր կնքել թեկուզ այսօր»,- ասել է Սիմոնյանը:

«Հայաստանը պատրաստ է խաղաղության պայմանագիր կնքել թեկուզ այսօր». Ալեն Սիմոնյան