Բրիտանական հետախուզությունը կանխատեսում է ռուսական առաջխաղացումը

788

Շաբաթ, 19 հոկտեմբերի, 2024 թ., 18:00

Ռուսաստանի զինված ուժերն առաջիկա շաբաթներին կշարունակեն առաջխաղացումը Կուպյանսկի մոտակայքում, հայտնում է բրիտանական հետախուզությունը։

Մեծ Բրիտանիայի պաշտպանության նախարարության տվյալներով՝ ռուսները շարունակում են առաջխաղացման փորձերը Խարկովի շրջանի արևելքում, որտեղ նրանց հաջողվել է ճեղքել առաջնագծի երկայնքով «ելուստը»։

«Ռուսական ուժերը, հավանաբար, գտնվում են Օսկոլ գետից մի քանի հարյուր մետր հեռավորության վրա՝ Կուպյանսկից մոտավորապես 20 կմ հարավ: Քաղաքը երկաթուղային հանգույց է, որն աջակցում է Ուկրաինայի զինված ուժերի գործողություններին այդ տարածքում»,- ասվում է հաղորդագրության մեջ: