«Այս երկիրը կդառնա Եվրոպա». բազմահազարանոց ցույց` Վրաստանում
402 Կիրակի, 20 հոկտեմբերի, 2024 թ., 23:00 Թբիլիսիի Ազատության հրապարակում կայացել է «Վրաստանն ընտրում է Եվրոմիությունը» եվրոպամետ հանրահավաքը, որին մասնակցել են հազարավոր մարդիկ, հայտնում է «Էխո Կավկազա»-ն։ Քաղաքական գործիչներից ելույթ է ունեցել միայն Վրաստանի նախագահ Սալոմե Զուրաբիշվիլին։ Հանրահավաքին ելույթ են ունեցել նաև ակտիվիստներ, ուսանողներ, ակադեմիական ոլորտի ներկայացուցիչներ։ Զուրաբիշվիլին ասել է, որ հանրահավաքին հավաքված քաղաքացիները Եվրոպա կմտնեն «խաղաղ, արժանապատիվ, վրացական ճանապարհով»։ «Մեր երեխաներն ու թոռները կհիշեն այս օրը»,- ասել է Զուրաբիշվիլին։ Բացի այդ, Զուրաբիշվիլին ամբիոնից դիմել է Մոլդովայի և Ուկրաինայի նախագահներ Մայա Սանդուինն և Վլադիմիր Զելենսկիին։ Նա Սանդուին մաղթել է հաղթանակ այսօր կայանալիք նախագահական ընտրություններում։ «Մենք միասին կմտնենք Եվրոմիություն»,- դիմել է նա Մոլդովայի և Ուկրաինայի առաջնորդներին։ «Այսօր իմ առջև կանգնած Վրաստանն ազատ Վրաստանն է։ Այստեղ ոչ մեկին զոռով չեն բերել։ Այստեղ ոչ ոք չի եկել այն պատճառով, որ նրան սպառնացել են, որ եթե չգա, կկորցնի աշխատանքը։ Կրթաթոշակը կորցնելու սպառնալիքի տակ ոչ մի ուսանող չի եկել այստեղ։ Ազատությունից ու խաղաղությունից ավելի արժեքավոր բան չկա։ Եվ այսօր այստեղ կանգնած է ապագայի Վրաստանը և անցյալի Վրաստանը։ Այս Վրաստանն ու այն Վրաստանը մեկ ամբողջություն են։ Եվ այս երկիրը կդառնա Եվրոպա»,- ասել է Զուրաբիշվիլին։ |
Արթուր Բաղդասարյանն ու նրա ընտանիքի անդամները հրավիրվել են դատախազություն
5810:24«Երևանի քաղաքապետարանին հարցում ես ուղարկում, լղոզված պատասխաններն անխուսափելի են»․ Արշակ Սարգսյան (լուսանկար)
5510:12Սևանի և Գավառի տարածաշրջաններում ձյուն է տեղում
5209:48«Ստացվեց թեյախմություն անհաջողների հետ»․ Էդգար Ղազարյան
10609:36«Թավշյա հեղափոխության» իրական կողմը. Արփի Դավոյանին պարտքի համար դատի էին տվել. «Ժողովուրդ»
9309:06ԲՏԱ նախարարի նախկին տեղակալ Ավետ Պողոսյանը՝ ՀՌՀ անդամի միակ թեկնածու. «Ժողովուրդ»
6809:00ՊՎԾ պետ Ռոմանոս Պետրոսյանին կանչել են Քննչական կոմիտե ու հարցաքննել. «Ժողովուրդ»
8208:54Եղանակն առաջիկայում (լուսանկար)
8608:30