«Գևորգ Չաուշի տունը Մըկթենքում». Խաժակ Սիրեկանյան

1093

Չորեքշաբթի, 23 հոկտեմբերի, 2024 թ., 03:06

Պատմական նյութերի ուսումնասիրող Խաժակ Սիրեկանյանը ֆեյսբուքյան իր էջում տեսանյութ է հրապարակել ու գրել. «Գևորգ Չաուշի տունը Մըկթենքում
Մըկթենքի կենտրոնում, ամբողջ Սասունում հայտնի իշխան Ղզրոյի տունն էր՝ բավական ընդարձակ բակով:
Հենց իշխան Ղզրոյի գերդաստանում էլ, 1870թ. ծնվեց մի արու զավակ, որին վիճակված էր դառնալու Արևմտյան Հայաստանի նշանավոր մարդկանցից մեկը:
Նորածնին կոչեցին Գևորգ, նա իշխան Ղզրոյի եղբոր՝ Արոյի որդին էր: Իշխան Ղզրոն անզավակ էր: Նա իր սերը տվել էր Գևորգին: Չնայած Գևորգը Արոյի միջնեկն էր, կային նաև Մինասը և Օհանը, ծերունին իր հույսը կապում էր Գևորգի հետ:
Մկթենք գյուղը գտնվում է Արևմտյան Հայաստանում, Բիթլիսի վիլայեթի Սասունի Փսանք գավառակում, Մուշ քաղաքից 44 կմ հարավ՝ Սասնո ջուր գետի միջին հոսանքի աջակողմյան վտակի ափին»։

Աղբյուրը` Խաժակ Սիրեկանյան