«Վլադիմիր Պուտինին երաշխիքներ են պետք պատերազմին վերջ տալու համար». Ալեքսանդր Լուկաշենկո

«Պուտինը երբեք չի օգտագործի այն զենքերը, որոնք ներկայում տեղակայված են Բելառուսի տարածքում՝ առանց Բելառուսի նախագահի համաձայնության։ Դուք պետք է հստակ հասկանաք և ներկայացնեք դա»,- ասել է Ալեքսանդր Լուկաշենկոն։

Միաժամանակ, Բելառուսը, եթե խոսքը գնար մեր երկիրը պաշտպանելու համար, միջուկային զենք օգտագործելու մասին, այս հարցում կխորհրդակցեինք Ռուսաստանի հետ։ «Նա մեր դաշնակիցն է։ Ամբողջ Արևմուտքը խորհրդակցում է ամերիկացիների հետ»,- նշել է պետության ղեկավարը։

Բելառուսի նախագահն ընդգծել է, որ միջուկային զենքը «սարսափ պատմություն չէ, այլ հզոր զսպող միջոց», և անհրաժեշտության դեպքում պատրաստ կլինի օգտագործել այն։

Նրա խոսքով՝ Ուկրաինայում պատերազմին վերջ տալու համար Ռուսաստանի նախագահ Վլադիմիր Պուտինին «երաշխիքներ են պետք, որ զինադադարի հաստատումից հետո Արևմուտքը զինամթերք չի բերի Ուկրաինա և չի վերազինի Ուկրաինայի զինված ուժերը»։

«Մեզ պետք են երաշխիքներ Ռուսաստանի համար, որպեսզի զինադադար հաստատելով՝ չսկսեք զինամթերք տեղափոխել Ուկրաինա և վերազինել Ուկրաինայի զինված ուժերը։ Սա չպետք է տեղի ունենա: Պուտինը վախենում է դրանից»,- ասել է Լուկաշենկոն։