Ուրբաթ, 05 դեկտեմբերի, 2025 թ.
|
Ստեփանակերտում`   +8 °C

Netflix-ը Հայաստանում սերիալներ կնկարահանի

Netflix-ը Հայաստանում սերիալներ կնկարահանի
852
Ուրբաթ, 01 նոյեմբերի, 2024 թ., 22:36

2025 թվականի բյուջեի նախագծի վերաբերյալ խորհրդարանական հանձնաժողովի լսումների ժամանակ ՀՀ կրթության, գիտության, մշակույթի և սպորտի նախարար Ժաննա Անդրեասյանը հայտնել է, որ Հայաստանը Netflix-ի հետ նոր համաձայնագիր է ստորագրել երկրում մի քանի հեռուստասերիալներ արտադրելու համար:

«Կինոարդյունաբերությունն արագ զարգացող ճյուղ է, և այդ իմաստով արդեն ունենք կնքված հուշագրեր «Նեթֆլիքս»-ի հետ։ Նրանց կողմից այստեղ մի քանի սերիալ նկարելու և տարբեր նման նախագծեր կան, որոնք ներդրումների մասնակի վերադարձի պարագայում ավելի մեծ թափ կստանան»,- նշել է նախարարը։

«Նեթֆլիքս»-ը հոսքային մեդիայի ֆիլմերի և սերիալների հիմք հանդիսացող ամերիկյան ընկերություն է: Հիմնադրվել է 1997 թվականին՝ Ռիդ Հաստինգսի և Մարք Ռանադոլֆի կողմից։ Կենտրոնական մասնաճյուղը գտնվում է Լոս Գատոսում, Քալիֆորնիա նահանգում։
«Նեթֆլիքս»-ը 2020 թվականի ապրիլ ամսվա տվյալներով ունեցել է ավելի քան 193 միլիոն վճարովի բաժանորդագրություն ամբողջ աշխարհում, այդ թվում՝ 73 միլիոն ԱՄՆ-ում։