«Հունվարի 1-ից էլեկտրամոբիլների վրա երկու տարվա սահմանափակումը չենք կիրառի». Նիկոլ Փաշինյան

1765

Չորեքշաբթի, 13 նոյեմբերի, 2024 թ., 18:00

Ազգային ժողովում Նիկոլ Փաշինյանը հայտնեց, որ եկել է որոշման, որ այդ էլեկտրամոբիլների պարագայում 2 տարվա սահմանափակումը չեն կիրառի՝ թեպեդ ինքը դրա հետ համաձայն չէ:

Հիշեցնենք՝ նախապես հայտարարվել էր, որ հունվարի 1-ից էլեկտրամոբիլ ներկրելու դեպքում մաքսատուրք չի կիրառվի միայն վերջին երկու տարիներին արտադրված մեքենաներ ներմուծելու դեպքում:

«Ես այս որոշումը կայացրեցի, որովհետև կարծում եմ, որ մեր պետական մարմինները ճիշտ չեն կոմունիկացրել հարցը և միայն այդ պատճառով մենք պետք է այդ որոշումը կայացնենք՝ դրա հետ համաձայն չլինելով:

Մենք պետք է նաև արձանագրենք, որ 2025-ի քվոտաները բաժանվելու են հետևյալ տրամաբանությամբ. 5 հազար մեքենայի քվոտա կտրվի քաղաքացիներին, 3 հազարը կտրվի դիլերներին»,- մանրամասնեց Նիկոլ Փաշինյանը: