Աբխազիայի նախագահը լքել է մայրաքաղաքը

1750

Շաբաթ, 16 նոյեմբերի, 2024 թ., 10:42

Աբխազիայի՝ այսպես կոչված նախագահ Ասլան Բժանիան, ընդդիմության վերջնագրից հետո լքել է Սուխումը, այս մասին Telegram-ալիքում հայտնել է Աբխազիայի ղեկավարի մամուլի ծառայությունը։ «Ներկայումս Ասլան Բժանիան գտնվում է հայրենի Տամիշ գյուղում»,- ասվում է հաղորդագրության մեջ։

Ավելի վաղ ընդդիմությունը հայտարարել էր, որ Բժանիային մեկ ժամ ժամանակ է տալիս՝ հրաժարական ներկայացնելու համար։ Բժանիան հրաժարվել էր հրաժարական տալ՝ ասելով, որ կմնա Աբխազիայում և կշարունակի աշխատել։

Հիշեցնենք՝ նոյեմբերի 12-ից Աբխազիայում բողոքի ցույցեր են ընթանում՝ ընդդեմ Ռուսաստանի հետ ներդրումային համաձայնագրի վավերացման։