Իրանն աշխատում է մայրաքաղաքը Թեհրանից տեղափոխելու ծրագրի վրա

Իրանի նախագահ Մասուդ Փեզեշքիանը կառավարության նիստում հայտարարեց Իսլամական հանրապետության մայրաքաղաքը տեղափոխելու ծրագրի մշակման մեկնարկի մասին։ Այս մասին հայտնում է ISNA գործակալությունը։

Ըստ տեղեկությունների՝ նախագահը պլանի պատրաստման պատասխանատու է նշանակել իր առաջին տեղակալ Մոհամմադ Ռեզա Արեֆին։

«Այս հարցի անտեսումը կարող է հանգեցնել նրան, որ ապագայում մեր երկիրը կարող է բախվել բնապահպանական ճգնաժամի և բազմաթիվ այլ խնդիրների»,- նշեց Փեզեշքիանը։

Սեպտեմբերի 7-ին Իրանի նախագահը հայտարարեց Իսլամական Հանրապետության մայրաքաղաքը Թեհրանից Պարսից ծոցի ափ տեղափոխելու անհրաժեշտության մասին։ Ինչպես նշել է պետության ղեկավարը, Թեհրանը ներկայումս բախվում է խնդիրների, որոնք այլ կերպ հնարավոր չէ լուծել։ Իրանի Մեջլիսի (միապալատ խորհրդարան) ներքին քաղաքականության հանձնաժողովի անդամ Ռուհոլլահ Մուսավին այս գաղափարը միանգամայն իրագործելի համարեց, եթե համապատասխան նախապատրաստություններ կատարվեն: