««Հայֆիլմ»-ի կեղծիքներին լրացնելու է եկել «Ֆեյսբուք»-ը. Վահե Լոռենց

1653

Ուրբաթ, 22 նոյեմբերի, 2024 թ., 19:24

Պատմաբան, գրող, հրապարակախոս Վահե Լոռենցի ֆեյսբուքյան գրառումը՝ կից լուսանկարով․ «Ֆեյսբուքում այս լուսանկարն է շրջանառվում, տապանաքարը ներկայացվելով 7-րդ դարի, և որպես «հիմնավորում» այն բանի, թե սազը հայկական է։ Այո՛, սազը հայկական է։ Բայց, նման տարրական, էժանագին մանիպուլիացիաներով չէ, որ պետք է հիմնավորել, թե սազը հայկական է։ Այս տապանաքարը 7-րդ դարի չէ և չի կարող լինել, ուշ շրջանի է։ Նման հարցերում հայությունը փոխանակ ականջալուր լինի գիտական մտքին, ականջահաճո նման ստերն է տարածում, ընդօրինակում, սովորում։ Դե, ստին, հատկապես՝ պատմագիտական ստին սովոր զատո աշխարհի ամենաառաջինները չեն էլ ցանկանում խորամուխ լինել իրենց մատուցված նյութի մեջ։ Կարևորը՝ ականջահաճո և փուչ սնափառությունը սնուցող նյութ լինի, իսկությունը՝ հեչ, էական չէ․․․
Եթե առաջ հայության միտքը պղծում էին «Հայֆիլմ»-ի նկարահանած պատմական կեղծիք տարածող ֆիլմերը, հայ գրողների պատմավեպերը, հիմա նրանց լրացնելու է եկել նորին մեծություն «Ֆեյսբուք»-ը․․․ Ուր ով ինչ ասես գրում է, իսկ զատո աշխարհի ամենաառաջին քրիստոնյա և ամենախելոք էթնոսը սիրով տարածում է»:

Աղբյուրը` Վահե Լոռենց