Գիշերվա ցույցերի ժամանակ Թբիլիսիում 107 մարդ է բերման ենթարկվել

459

Շաբաթ, 30 նոյեմբերի, 2024 թ., 10:24

Վրաստանի ՆԳՆ-ն հաստատել է, որ գիշերվա ցույցերի ժամանակ 107 մարդ է բերման ենթարկվել։

Հաղորդվում է նաև, որ «ցուցարարների բռնի գործողությունների հետևանքով տուժել է ՆԳՆ 10 աշխատակից»։ Նախարարությունը չի հայտնում, թե քանի ցուցարար է տուժել ոստիկանության բիրտ գործողությունների ժամանակ։

Երկու օրվա ընթացքում Թբիլիսիում բերման են ենթարկվել բողոքի ակցիայի շուրջ 150 մասնակիցներ։

Հիշեցնենք՝ Վրաստանի վարչապետի՝ ԵՄ-ին անդամակցելու բանակցությունները մինչև 2028-ի ավարտը դադարեցնելու հայտարարությունից հետո, երկրի տարբեր քաղաքներում բողոքի ցույցեր են։