«Ռուսաստանը լքեց Հալեպը, փոխարենը` Թուրքիան մտավ Հալեպ»․ Կարեն Հեքիմյան

Հասարակական գործիչ Կարեն Հեքիմյանի ֆեյսբուքյան գրառումը. «Ռուսաստանի և Թուրքիայի քաղաքական համագործակցությունը շարունակվում է: Այս անգամ Սիրիայում:
Ռուսաստանը փաստացի լքեց Հալեպը, փոխարենը՝ Թուրքիան փաստացի մտավ Հալեպ: Այնպես, ինչպես Արցախում եղավ: Չեք մոռացել, չէ՞: Այս անգամ էլ հո Սիրիայի ղեկավար Բաշար ալ Ասադը Պրահայում Հալեպը Թուրքիայի կամ չգիտեմ ում կազմում չէր ճանաչել, չէ՞:
Հալեպը լքելու դիմաց, Ռուսաստանը Թուրքիայից արևմտյան պատժամիջոցներից խուսափելու առաջարկների հերթական փաթեթը կստանա: Չէ, Ռուսաստանը մեղավոր չէ: Վերջինս աշխարհով մեկ ընկած իր քաղաքական և տնտեսական շահն է հետապնդում: Մեղավորը բաշարալասադներն են, որոնք ռուսական շահի համար իրենց պետություններն են կործանում:
Հաջորդը Վրաստանն է: Վերջինիս ղեկավարները հույս ունեն Ռուսաստանի միջոցով հետ բերել Աբխազիան: Միգուցե՝ հետ բերեն, սակայն, որպես ռուս-թուրքական չկարգավորվող խաչմերուկ, որտեղ գլխավոր ճանապարհը Թուրքիայինն է լինելու:
Չմոռանամ հիշեցնել, որ ռուսական զորքեր կան աֆրիկյան որոշ պետություններում: Ռուսական խաղաքարտեր են հանդիսանում Հյուսիսային Կորեան, Բելառուսը, Տաջիկստանը, Ղրղզստանը, Ղազախստանը:
Իսկ Հայաստա՞նը: Էլ ի՞նչ Հայաստան...
Ի տարբերություն թվարկածս պետությունների բնակիչների, Հայաստանի բնակիչների զգալի մեծամասնությունը գոհ է, ավելին՝ հպարտ է, իր «խաղաքարտ»-ի կարգավիճակից»։