Սիրիայի ռազմաօդային ուժերը ոչնչացրել են ահաբեկիչների զրահամեքենաների շարասյունը

Սիրիական ավիացիան Հալեպ-Դամասկոս մայրուղու վրա հարվածել է զինյալների զրահամեքենաների շարասյանը՝ կանխելով հետագա հարձակումը, РИА Новости-ին հայտնել է Սիրիայի անվտանգության ուժերի աղբյուրը։
«Սիրիական ինքնաթիռները M-5 ճանապարհին մի քանի հարված են հասցրել ահաբեկիչների զրահամեքենաների շարասյանը»,- ասել է զրուցակիցը։ Նշվում է, որ Սիրիայի բանակը Հալեպում և Իդլիբում արդեն 300 զինյալ է ոչնչացրել։