«ԱՄՆ-ն մտադիր չէ միջուկային զենք փոխանցել Ուկրաինային». Սալիվան

Այս պահին ԱՄՆ-ն չի դիտարկում Ուկրաինային միջուկային զենք փոխանցելու հնարավորությունը։ Այս մասին ամերիկյան ABC հեռուստաալիքի եթերում ասել է Սպիտակ տան ազգային անվտանգության օգնական Ջեյք Սալիվանը։ «Դա չի դիտարկվում: Մենք Ուկրաինային ուղարկում ենք տարբեր տեսակի սովորական սպառազինություն, բայց՝ ոչ միջուկային ներուժ»,- ընդգծել է նա։
Ավելի վաղ The New York Times-ը մեջբերել էր ամերիկացի և եվրոպացի մի շարք պաշտոնյաների, որոնք չէին բացառել, որ Ջո Բայդենը կարող է միջուկային զենք փոխանցել Կիևին։