ՆԱՏՕ-ն Ուկրաինային դաշինք հրավիրելու կապակցությամբ հայտարարություն է տարածել

ՆԱՏՕ-ում հայտարարել են, որ Ուկրաինային դաշինք հրավիրելու հարցում որոշում կայացնելու շուրջ փոխհամաձայնության համար ամիսներ կպահանջվեն, հաղորդում է Reuters-ը։
ՆԱՏՕ-ի անդամ երկրների ԱԳՆ ղեկավարների նիստը տեղի կունենա Բրյուսելում՝ դեկտեմբերի 3-4-ը։ Հանդիպմանը կմասնակցի Ուկրաինայի արտգործնախարար Անդրեյ Սիբիգան։ Լրատվամիջոցի փոխանցմամբ՝ հանդիպման ժամանակ նա բարձրացնելու է Ուկրաինային դաշինք հրավիրելու հարցը։ Այդուհանդերձ, դաշինքի մի շարք անդամ-երկրների ներկայացուցիչների համոզմամբ, դա դժվար թե հնարավոր լինի տեսանելի ապագայում։