Զելենսկին հայտնել է հակամարտության սկզբից ի վեր Ուկրաինայի կորուստների մասին

Ռուսական ռազմական գործողության սկզբից ի վեր Ուկրաինայում զոհերի թիվը 80 հազարից քիչ է։ Այս մասին հայտնել է նախագահ Վլադիմիր Զելենսկին՝ Kyodo News-ին տված հարցազրույցում։ «Վերջերս, որքան գիտեմ, ամերիկյան մամուլում հաղորդվել էր, որ Ուկրաինան 80 հազար զոհ է ունեցել։ Ո՛չ, զոհերի թիվն ավելի քիչ է, շատ ավելի քիչ»,- ասել է Ուկրաինայի նախագահը։
Կիևն իր կորուստների մասին բարձրաձայնել էր 2024թ․ փետրվարին։ Այն ժամանակ Զելենսկին ասել էր, որ Ուկրաինան 31 հազար զինծառայող է կորցրել։