Հինգշաբթի, 18 սեպտեմբերի, 2025 թ.
|
Ստեփանակերտում`   +15 °C

Հարավային Կորեայի ընդդիմությունը կպահանջի նախագահի և նախարարների իմպիչմենթը

Հարավային Կորեայի ընդդիմությունը կպահանջի նախագահի և նախարարների իմպիչմենթը
469
Չորեքշաբթի, 04 դեկտեմբերի, 2024 թ., 10:36

Հարավային Կորեայի ընդդիմադիր կուսակցությունները պահանջում են նախագահի, պաշտպանության, ներքին գործերի ու անվտանգության նախարարների իմպիչմենթը՝ նրանց մեղադրելով պետական հեղաշրջման փորձի մեջ, փոխանցում է Yonhap գործակալությունը։
«Մենք կձգտենք հասնել նրան, որ ռազմական դրության հակասահմանադրական և հակաօրինական սահմանումը դատապարտվի որպես պետական հեղաշրջման փորձ․․․ Մենք մեղադրանքներ կներկայացնենք նախագահ Յուն Սոկ Յոլի, պաշտպանության նախարար Կիմ Յոն Խյոնի ու ներքին գործերի և անվտանգության նախարար Լի Սան Մինի դեմ՝ ապստամբության համար»,- ճեպազրույցի ընթացքում հայտարարել է Դեմոկրատական կուսակցության գլխավոր ներկայացուցիչ Չո Սըն Նեն։

Նախօրեին հայտնել էինք, որ խորհրդարանը դեմ է գնացել նախագահին ու չեղարկել արտակարգ դրությունը:

Հիշեցնենք՝ Հարավային Կորեայի նախագահ Յուն Սուկ Յոլը «ռազմական արտակարգ դրություն» էր հայտարարել՝ երկրի ընդդիմությանը մեղադրելով խորհրդարանը վերահսկելու, Հյուսիսային Կորեային համակրելու և կառավարությանը կաթվածահար անող հակապետական ​​գործունեության մեջ։