Դատարանը քննարկել է Ռոմանոս Պետրոսյանին, Գագիկ Մելքոնյանին և Գուրգեն Արսենյանին բերման ենթարկելու հարցը. «Ժողովուրդ»

«Ժողովուրդ» օրաթերթը գրում է. «Արարատի մարզի դատարանը ծանուցում է ուղարկել ՊՎԾ պետ Ռոմանոս Պետրոսյանին, ԱԺ պատգամավոր Գագիկ Մելքոնյանին, Ռուսաստանում Հայաստանի դեսպան Գուրգեն Արսենյանին, որ ներկայանան դատարան, սակայն վերջիններս չեն ներկայացել։ Դատարանում բարձրացվել է նրանց բերման ենթարկելու հարցը, սակայն դատավորը մերժել է ու որոշել կրկին ՔՊ-ականներին ծանուցում ուղարկել, որ ներկայանան դատարան։
Դեռևս փետրվարի 20-ից ՔՊ գրասենյակին, ինչպես նաև ՔՊ պատգամավորներ Գուրգեն Արսենյանին և Գագիկ Մելքոնյանին պատկանող տարածքներում ռումբ տեղադրելու գործով քրեական վարույթ կա նախաձեռնված, ու գործը դատարանում է։ ՀՀ քննչական կոմիտեն պարզել էր, որ «Քաղաքացիական պայմանագիր» կուսակցության անդամներին, նրանց աջակիցներին ահաբեկելու համար 2024 թվականի փետրվարի 20-ին քաղաքացին գնացել է Երեւան քաղաքի Գյուլբենկյան 33 հասցեում գտնվող «Միավորված աշխատանքային կուսակցության» գրասենյակի մոտ և ժամը 03։50-ին գրասենյակից 9 մետր հեռավորության վրա գտնվող մայթեզրի ծառի տակ տեղադրել է նախապես պատրաստված, որպես պայթեցման միջոց շուրջ 1 կիլոգրամ տրոտիլ և պենտալիտ, ավերածություններ գործելու, մարդկանց կյանքից զրկելու, շրջակա շինություններն ամբողջությամբ ավերելու համար պիտանի ինքնաշեն պայթեցման սարքը։
Ապա նույն ժամանակահատվածում պիտանի ինքնաշեն պայթեցման սարքը տեղադրել են Գյուլբենկյան 30/3 հասցեում գտնվող «Քաղաքացիական պայմանագիր» կուսակցության տարածքային գրասենյակի մուտքի մոտ՝ այդ կերպ առաջացնելով պայթյունի և հրկիզման իրական սպառնալիք. սակայն Վ. Հ-ի կողմից տեղադրված պայթեցման սարքերը չեն պայթել՝ ինքնաշեն պայթեցման սարքերի գործարկման մեխանիզմի հաշվարկված եղանակով չգործելու պատճառով:

Վերջիններս (Ռոմանոս Պետրոսյան, Գագիկ Մելքոնյան, Գուրգեն Արսենյան) այս գործով տուժող են ու պետք է գնան դատարան՝ ցուցմունք տալու»:

ՔՊ-ականները հենց այս գործով տուժող են, սակայն դատարան չեն ներկայանում»:

Մանրամասները՝ թերթի համարում։