Չորեքշաբթի, 25 մարտի, 2026 թ.
|
Ստեփանակերտում`   +7 °C

Սիրիայում զանգվածաբար ազատ են արձակում «մարդկանց սպանդանոցի» բանտարկյալներին

Սիրիայում զանգվածաբար ազատ են արձակում «մարդկանց սպանդանոցի» բանտարկյալներին
1522
Երկուշաբթի, 09 դեկտեմբերի, 2024 թ., 21:43

Սիրիայում բանտարկյալներին զանգվածաբար ազատ են արձակում Դամասկոսի մերձակայքի «Սեդնայա» բանտի բանտարկյալներին: Այս բանտը կոչվում է «մարդկանց սպանդանոց»։
Սիրիայում հակակառավարական խմբավորումները Դամասկոսը գրավելուց հետո ձեռնամուխ են եղել բանտարկյալներին ազատելու գործին։ Վերջին օրերին զինյալները բանտախցերի դռները բացել են Հալեպում, Հոմսում, Համայում և Սիրիայի մայրաքաղաքի մերձակայքում, որտեղ գտնվում է տեղի ամենատխրահռչակ բանտը՝ Սեդնայան: Amnesty International-ի իրավապաշտպաններն այն անվանում են «մարդկանց սպանդանոց»: Այնտեղ պահվում էին քաղբանտարկյալներ, այդ թվում՝ Ասադի ռեժիմի հակառակորդներ, ցույցերի մասնակիցներ և դավաճանության մեջ մեղադրվող զինվորականներ։ Բանտարկվածների շարքերում են եղել նաև կանայք ու երեխաներ:

Այժմ այս մարդիկ ազատ են արձակվել երկար տարիներ ծայրահեղ ծանր պայմաններում ապրելուց հետո. միջազգային կազմակերպությունների տվյալներով՝ բանտարկյալները խոշտանգումների են ենթարկվել և սպանվել սիրիական բանտերում։