Նեթանյահուն իր արձակուրդն է վայելում Գոլանի բարձունքներում ու հայտարարում` դրանք հավերժ կլինեն Իսրայելինը
![]() 1408 Երկուշաբթի, 09 դեկտեմբերի, 2024 թ., 22:55 Իսրայելի վարչապետ Բենիամին Նեթանյահուն, ով այժմ իր արձակուրդն է անցկացնում Գոլանի բարձունքներում, վստահություն է հայտնել, որ այս շրջանը, որի վրա հրեական պետությունը վերահսկողություն հաստատեց 1967 թվականին, հավերժ կմնա Իսրայելի ինքնիշխանության ներքո։ Վարչապետի աշխատակազմի հաղորդմամբ՝ Նեթանյահուն կնոջ՝ Սառայի հետ այցելել է Հերմոն լեռան վրա գտնվող հանգստի գոտի՝ Սիրիայի հետ սահմանի մոտ։ Այցի ընթացքում նրանք զրուցել են իսրայելական բանակի Նահալ գումարտակի զինվորների հետ: «Դա ինձ մոտ տարբեր զգացողություններ է առաջացնում, բայց առաջին հերթին՝ նոստալգիա, տարիներ առաջ՝ որպես զինվոր և հրամանատար, ես այստեղ մասնակցել եմ տարբեր գործողությունների, հիմնականում՝ ձյան մեջ: Այսօր հաճելի է լինել այստեղ՝ արևի տակ, տեսնել գեղեցիկ, զարգացող քաղաքը, Գոլանի բարձունքները, որի համար մենք բոլորս աշխատում ենք, տեսնել մեր զինվորներին, ովքեր ինձ մի բաժակ սուրճ հյուրասիրեցին, և իմանալ, որ մենք քայլում ենք այն հողի վրա, որը հավերժ կմնա Իսրայելի ինքնիշխանության ներքո»,- ասել է վարչապետը։ 1944 թվականից Գոլանի բարձունքները պատկանել են Սիրիային: Իսրայելը 1967 թվականի վեցօրյա պատերազմի ժամանակ այն գրավել է։ 1981 թվականին Քնեսեթը (Իսրայելի խորհրդարանը) օրենք ընդունեց, որը միակողմանիորեն հռչակեց հրեական պետության ինքնիշխանությունն այս տարածքի վրա։ ՄԱԿ-ի Անվտանգության խորհրդի 1981 թվականի դեկտեմբերի 17-ի 497 բանաձևը անվավեր է ճանաչել անեքսիան։ 2019 թվականին ԱՄՆ-ի այն ժամանակվա նախագահ Դոնալդ Թրամփը ստորագրել է հռչակագիր, որով ճանաչում է Իսրայելի ինքնիշխանությունը Գոլանի բարձունքների նկատմամբ։ Դա տեղի է ունեցել Նեթանյահուի՝ Վաշինգթոն կատարած այցի շրջանակներում։ Նման միակողմանի գործողություններին դեմ են արտահայտվել ոչ միայն Սիրիան և արաբական ու իսլամական աշխարհի այլ երկրներ, այլև Ռուսաստանը, ինչպես նաև եվրոպական հիմնական տերությունները և ԱՄՆ դաշնակիցները, այդ թվում՝ Գերմանիան և Ֆրանսիան։ |
«Գուցե այժմ էլ վախենում է մեկ այլ «վերադասից»»․ Արսեն Բաբայան
10611:00«Մի՛ ստեք, իրական պատկերը ցուցադրե՛ք»․ Քրիստինա Վարդանյան
7910:24Ջերմաստիճանը կնվազի (լուսանկար)
11707:48«Գլխավոր դատախազը թրաֆիքինգո՞վ է զբաղվում». Կարապետ Պողոսյան
22703:12«Հետնիկոլական Հայաստանում պետք է հաստատվի համերաշխություն». Սոս Հակոբյան
17302:06«Լրբերի միջավայրում սրբերը պիտի հալածվեն». Նարեկ Մանթաշյան
18401:18«Հրապարակեք պլանը, ստախոսներ». Լևոն Զուրաբյան
18300:48Իտալական դատարանը թույլատրել է «Հյուսիսային հոսք»-ի պայթյունի համար կասկածվող ուկրաինացու արտահանձնումը Գերմանիային
28500:44