«Աշակերտի նկատմամբ բռնություն գործադրած ուսուցիչն ազատվել է աշխատանքից»․ ԿԳՄՍՆ
644 Երեքշաբթի, 10 դեկտեմբերի, 2024 թ., 19:36 ՀՀ կրթության, գիտության, մշակույթի և սպորտի նախարարությունը պարբերաբար ահազանգեր է ստանում ուսումնական հաստատություններում բռնության դեպքերի վերաբերյալ։ Նման ահազանգերից մեկն առաջին դասարանում դասվարի կողմից երեխայի նկատմամբ ծեծի դեպքն էր, ինչի ահազանգը ստանալուն պես նախարարությունը դիմել է Կրթության տեսչական մարմին, Ոստիկանություն և Դատախազություն։ Այս մասին ֆեյսբուքյան իր էջում հայտնել է ԿԳՄՍ նախարարությունը։ «Ձեռնարկված քայլերի արդյունքում ուսուցիչն ազատվել է աշխատանքից։ Առաջիկայում ԿԳՄՍ նախարարությունը նաև պատրաստվում է հայց ներկայացնել՝ նշված ուսուցչին մանկավարժական գործունեությամբ զբաղվելու իրավունքից զրկելու վերաբերյալ։ Հարկ ենք համարում նշել, որ նմանատիպ իրավիճակներն անթույլատրելի են, և այդ պարագայում նախարարությունը հետևողականորեն նման մանկավարժներին հետագա մանկավարժական գործունեության իրավունքից զրկելու հայցերով դիմելու է դատարան։ Նախարարությանն ուղղված դիմումները վկայում են այն մասին, որ բռնության դեպքերն առկա են ինչպես երեխաների միջև, այնպես էլ ուսուցիչ-սովորող փոխհարաբերություններում, որի մասին հաճախ տեղեկացված են լինում ուսումնական հաստատության բոլոր կամ գրեթե բոլոր աշխատակիցները, սովորողները և ծնողական համայնքի ներկայացուցիչները: Բռնության մասին իմացությունն ու դրա դեմ քայլեր չձեռնարկելու վարքագիծն առաջ են բերում բռնության հանդեպ անթույլատրելի հանդուրժողականություն, որից առաջին հերթին տուժում են երեխաները և կրթության որակը։ Հարկ է ընդգծել, որ նույնքան անհանդուրժելի է հնարավոր բռնությունը ուսուցիչների նկատմամբ՝ հատկապես ծնողների կողմից անհարգալից վերաբերմունքի պարագայում։ Նախարարությունը նաև օրենսդրական փոփոխությունների փաթեթ է մշակում՝ երեխայի կրթության իրավունքի ապահովման առումով ծնողների պարտավորություններն առավել հստակեցնելու և այդ հարցերում հետևողական չլինելու պարագայում անհրաժեշտ քայլեր ձեռնարկելու նպատակով։ Ուսումնական հաստատությունը պետք է սովորողների համար հանդիսանա ապահով և անվտանգ միջավայր, ուստի հորդորում ենք զերծ մնալ բռնության ցանկացած տեսակի դրսևորումից, նման դրսևորումների դեպքում անպայման բարձրաձայնել համապատասխան մարմիններին, համատեղ ջանքերով դպրոցում ապահովել դրական հաղորդակցության և հարաբերությունների մթնոլորտ»,- նշված է հաղորդագրության մեջ: |
«Նիկոլ Փաշինյանը կմասնակցի ԱՄՆ-ում կայանալիք Միջազգային կրոնական ազատության գագաթնաժողովին»․ Նազելի Բաղդասարյան
109Երեկ, 22:24«ՔԿՀ-ներում մահերի, ինքնասպանությունների և ինքնավնասումների դեպքերի աճը խիստ մտահոգիչ է»․ ՄԻՊ
114Երեկ, 19:54«Սա կոճակի մեկ սեղմամբ լուծվող խնդիր չէ». Զախարովան՝ Բաքվում պահվող հայերի մասին (տեսանյութ)
230Երեկ, 18:36Փաշինյանը հանդիպել է ՆԱՏՕ-ի գլխավոր քարտուղար Մարկ Ռուտտեի հետ (տեսանյութ)
147Երեկ, 18:19Հայաստանի և Ղրղզստանի միջև համագործակցության ծրագիր է ստորագրվել
91Երեկ, 18:12ՊԵԿ-ը պարզաբանում է՝ 300000 դրամի շեմը որ եկամուտներին է վերաբերում
21022.01.2025, 23:48Սակագները փոփոխվել են. Տիգրան Ավինյանը հրապարակել է ցանկը
45822.01.2025, 15:18ԱԺ մի քանի պատգամավոր գործուղվել է Վիեննա
31822.01.2025, 00:48