Վրաստանում նախագահ են ընտրում․ Զուրաբիշվիլին Ռուսթավելի պողոտայում է

Վրաստանի նախագահ Սալոմե Զուրաբիշվիլին Ռուսթավելի պողոտայում է, որտեղ վաղ առավոտից վերսկսվել է բողոքի ակցիան: Ռուսթավելի պողոտան այժմ փակ է․ Ազատության հրապարակում մոբիլիզացված են ոստիկաններ, ջրցան մեքենաներ և հատուկ տեխնիկա: Ոստիկանական ուժերը երկաթե պատնեշով շրջափակել են խորհրդարանի տարածքը, հայտնում է aliq.ge-ն։

Հիշեցնենք, որ Վրաստանի միակուսակցական խորհրդարանն այսօր նախագահ է ընտրում: Նախագահին ընտրում է ընտրական կոլեգիան, որը բաղկացած է 300 պատգամավորներից և մունիցիպալիտետների ներկայացուցիչներից։