Զելենսկին կհանդիպի ԵՄ առաջնորդների հետ՝ քննարկելու Ուկրաինայում խաղաղապահ առաքելության հարցը

Հաջորդ շաբաթ Վլադիմիր Զելենսկին ծրագրում է Բրյուսելում հանդիպել մի քանի եվրոպացի առաջնորդների հետ՝ քննարկելու պատերազմը դադարեցնելու և Ուկրաինայում եվրոպական խաղաղապահ առաքելություն ստեղծելու հնարավոր մոտեցումները։ Այս մասին հայտնում է Politico-ն՝ վկայակոչելով իր աղբյուրները։

Չորեքշաբթի օրը՝ դեկտեմբերի 18-ին, նախատեսված է հանդիպում Գերմանիայի կանցլեր Օլաֆ Շոլցի, Ֆրանսիայի նախագահ Էմանուել Մակրոնի, Լեհաստանի նախագահ Անդրեյ Դուդայի, Եվրոպական խորհրդի նախագահ Անտոնիո Կոստանի, Եվրոհանձնաժողովի նախագահ Ուրսուլա ֆոն դեր Լեյենի և ՆԱՏՕ-ի գլխավոր քարտուղար Մարկ Ռյուտեի մասնակցությամբ։ Ղեկավարները մտադիր են քննարկել Մոսկվայի և Կիևի միջև հակամարտությունը լուծելու ուղիները, ինչպես նաև Ուկրաինայում եվրոպական զորքերի տեղակայման հնարավորությունը խաղաղապահ կոնտինգենտի կազմում։