«Թուրքիան չի մասնակցել Սիրիայում տեղի ունեցող իրադարձություններին»․ Ֆիդան

Թուրքիան չի մասնակցել Սիրիայում զինյալների գործողությանը, որը հանգեցրել է Բաշար ալ-Ասադի վարչակազմի տապալմանը։ Այս մասին հայտարարել է Թուրքիայի արտգործնախարար Հաքան Ֆիդանը։
Ֆիդանը նաև հայտնել է, որ չի հանդիպել Սիրիայի նախկին նախագահի հետ՝ Անկարայի և Դամասկոսի միջև հարաբերությունների կարգավորման հարցը քննարկելու համար, թեև նման փորձեր բազմիցս արվել են երրորդ երկրների միջնորդությամբ։ «Նման փորձեր մեր կողմից եղել են, մենք ցանկանում էինք, սակայն նրանց կողմից մերժում ստացանք։ Անգամ որպես միջնորդ օգտագործեցինք տարածաշրջանի երկրները, մասնավորապես Իրաքը։ Նա [Ասադը] բոլորին բացասական է պատասխանել»,- ասել է Թուրքիայի ԱԳՆ ղեկավարը։