Հարավային Կորեան պատժամիջոցներ է սահմանել Ռուսաստանի և Հյուսիսային Կորեայի դեմ

Հարավային Կորեայի կառավարությունը պատժամիջոցներ է կիրառել 11 անձանց և 15 հաստատությունների նկատմամբ, որոնք, ըստ հանրապետական իշխանությունների, ներգրավված են Ռուսաստանի և Հյուսիսային Կորեայի (ԿԺԴՀ) ռազմական համագործակցության մեջ, հայտնում է Newsis News Agency-ն։
Գործակալության տվյալներով՝ 11 անձանցից յոթը ռուս է, չորսը՝ հյուսիսկորեացի։
Վերջիններիս թվում են հյուսիսկորեացի բարձրաստիճան գեներալներ, որոնց, ըստ Սեուլի, Փհենյանն ուղարկել է Ուկրաինա։
Սահմանափակումների ենթակա 15 կազմակերպություններից 14-ը ռուսական են։ Նրանք մասնակցել են Ռուսաստանի և Հյուսիսային Կորեայի միջև ֆինանսական գործարքներին, ինչպես նաև զենքի փոխադրմանն ու առևտրին, նշում է հրատարակությունը։
Պատժամիջոցներն ուժի մեջ կմտնեն դեկտեմբերի 19-ից։
Հիշեցնենք, որ ավելի վաղ տասը երկրներ, այդ թվում՝ Հարավային Կորեան ու ԱՄՆ-ն, ինչպես նաև Եվրամիությունը (ԵՄ) Հյուսիսային Կորեային և Ռուսաստանին կոչ էին արել դադարեցնել ռազմական համագործակցությունը։