«Քանի՞ ընտանիք է պետական աջակցության ծրագրով բնակարան ձեռք բերել»․ Էդգար Ղազարյանը՝ Արթուր Մարտիրոսյանին

«Ձեր նախարարության պաշտոնական կայքում «Պետական աջակցության ծրագրեր» բաժնում երիտասարդության ոլորտին վերաբերող ընդամենը մեկ պետական աաջկցության մասին կա հիշատակում, դա «Մատչելի բնակարան՝ երիտասարդ ընտանիքներին» ծրագիրն է, որն էլ նախորդ կառավարությունից մնացած ծրագիր է»,- ԱԺ լսումների ժամանակ ասաց հասարակական-քաղաքական գործիչ Էդգար Ղազարյանը՝ հարց ուղղելով ԿԳՄՍ փոխնախարար Արթուր Մարտիրոսյանին, թե 2024 թվականին քանի՞ երիտասարադ ընտանիք է այս ծրագրով մատչելի բնակարան ձեռք բերել։
««Մատչելի բնակարան երիտասարդ ընտանիքներին»՝ դա երիտասարդական քաղաքականության ոլորտում ամենամեծ բյուջետային ծրագիրն է, և ինքը առյուծի բաժինն է երիտասարդական քաղաքականության վարչության կողմից իրականացվող ծրագրերից, բայց դա միակ ծրագիրը չէ»։

Ըստ նախարարի, երիտասարդներին բնակարանով ապահովման նշված ծրագիրը նախորդ իշխանության այն եզակի հաջող ծրագրերից է, որը նպատակահարմար են գտել շարունակել։
Մարտիրոսյանը հայտնեց, որ ծրագրի սկզբից ի վեր շահառու է եղել (ովքեր որ բարեհաջող իրենց իսկ վարկը փակել են, բնակարանը ձեռք են բերել) 8000-ից ավել շահառու, այս պահին այդ թիվը 5000-ից մի փոքր ավել է, և 2024 թվականի ընթացքում 500-600 շահառու համալրել է շահառուների շրջանակը։ Փոխնախարարի խոսքով, ծրագիրը մարզերում երկրորդային շուկայում մինչև չորս տոկոս փոխհատուցում է տալիս, իսկ Երևանում ՝ երկու, իսկ եթե առաջնային շուկայից են օգտվում, առավելագույնը 7,5 տոկոս սահմանաչափով կարողանում են ստանալ վարկ։