Թուրքիան ԵՄ-ից լրացուցիչ 1 միլիարդ եվրո կստանա

928

Երեքշաբթի, 17 դեկտեմբերի, 2024 թ., 21:07

Եվրոհանձնաժողովի նախագահ Ուրսուլա ֆոն դեր Լեյենը Թուրքիայի նախագահ Ռեջեփ Թայիփ Էրդողանի հետ մամուլի ասուլիսում հայտարարել է երկրում սիրիացի փախստականների համար լրացուցիչ 1 միլիարդ եվրոյի օգնության մասին։

Ըստ վերջին տվյալների՝ Թուրքիայում ապրում է 2011 թվականին քաղաքացիական պատերազմից փախած երեք միլիոն սիրիացի քաղաքացի:

Միջոցները կուղղվեն փախստականների առողջության պահպանմանն ու կրթությանը, «միգրացիային և սահմանների կառավարմանը», քաղաքացիների «կամավոր վերադարձին»: Սիրիացիների վերադարձն իրենց հայրենիք պետք է լինի «արժանապատիվ և անվտանգ», ընդգծել է Ուրսուլա ֆոն դեր Լեյենը։

2011 թվականից ի վեր Թուրքիան Եվրոմիության կողմից ստացել է մոտ 10 միլիարդ եվրո օգնություն՝ փախստականներին աջակցելու համար։