ՄԱԿ-ը դատապարտել է ռուս գեներալ-լեյտենանտի դեմ իրականացրած ահաբեկչությունը

714

Երեքշաբթի, 17 դեկտեմբերի, 2024 թ., 23:42

ՌԴ Ռադիացիոն, քիմիական և կենսաբանական պաշտպանության ուժերի ղեկավար, գեներալ-լեյտենանտ Իգոր Կիրիլովի դեմ ահաբեկչությունից հետո ՄԱԿ-ը կոչ է արել «բոլոր կողմերին զսպվածություն ցուցաբերել», բայց ուղղակիորեն չի դատապարտել պայթյունի իրականացումը: Այս մասին հայտնում է ՏԱՍՍ-ը՝ վկայակոչելով ՄԱԿ-ի գլխավոր քարտուղարի պաշտոնական ներկայացուցիչ Ստեֆան Դյուժարիկի՝ դեկտեմբերի 17-ին արված հայտարարությունը։
Մենք կոչ ենք անում զերծ մնալ գործողություններից, որոնք կարող են հանգեցնել լարվածության հետագա սրման», - մեջբերում է գործակալությունը նրա խոսքերը։

Նշենք, որ Իգոր Կիրիլովը մահացել է դեկտեմբերի 17-ի առավոտյան Մոսկվայի Ռյազանսկի պողոտայի տներից մեկի մոտ տեղի ունեցած պայթյունի հետևանքով։ Բացի այդ, ահաբեկչության հետևանքով մահացել է գեներալի օգնականը։ Ուկրաինական լրատվամիջոցները հայտնում են, որ պայթյունի պատասխանատվությունն ստանձնել է Ուկրաինայի անվտանգության ծառայությունը։

ՌԴ Քննչական կոմիտեն քրեական գործ է հարուցել Քրեական օրենսգրքի միանգամից երեք հոդվածներով՝ «Սպանություն», «Ահաբեկչություն» և «Զենքի ապօրինի շրջանառություն»։