«ԱՄՆ-ն կոչ է անում Ադրբեջանին՝ հարգել մարդու իրավունքները»․ Մեթյու Միլլեր

ԱՄՆ-ն կանոնավոր կերպով համագործակցում է Հայաստանի և Թուրքիայի պաշտոնյաների հետ՝ նրանց հարաբերությունների կարգավորման ուղղությամբ։ Այս մասին հերթական ճեպազրույցի ժամանակ հայտարարել է ԱՄՆ Պետդեպարտամենտի խոսնակ Մեթյու Միլլերը։
Պատասխանելով Ադրբեջանում մարդու իրավունքների խախտումների, մասնավորապես, Ռուբեն Վարդանյանի մասին հարցին, որին թույլ չեն տալիս տեսակցել իր փաստաբանին, Միլլերն ասաց, որ երբ խոսքը վերաբերում է Ադրբեջանում բանտարկյալների կարգավիճակին, Միացյալ Նահանգները հետևողականորեն կոչ է անում Ադրբեջանին հարգել երկրի ներսում գտնվող բոլոր անձանց, այդ թվում՝ բանտարկյալների մարդու իրավունքներն ու հիմնարար ազատությունները՝ առանց որևէ կոնկրետ դեպք հիշատակելու։

«Դուք տեսաք՝ ինչպես ենք մենք քայլեր ձեռնարկում, երբ տեսնում ենք, որ Ադրբեջանը չի հարգում իր երկրում բոլոր մարդկանց հիմնական իրավունքներն ու ազատությունները, և մենք կշարունակենք վարել այդ քաղաքականությունը»,- նշել է գերատեսչության ներկայացուցիչը։