Human Rights Watch-ն Իսրայելին մեղադրում է ցեղասպանության մեջ՝ Գազային ջրի հասանելիությունից զրկելու համար

Human Rights Watch-ը մեղադրել է Իսրայելին «ցեղասպանության ակտի» մեջ՝ Գազայի ջրամատակարարումը նվազագույնից ցածր մակարդակի հասցնելու համար: Ինչպես հայտնում է The Guardian-ը՝ հղում անելով HRW զեկույցին:
Ջրային ենթակառուցվածքների վրա Իսրայելի պաշտպանության բանակի հարձակումները պաղեստինցիներին ստիպել են օգտագործել աղտոտված աղբյուրներ, ինչը հանգեցրել է մահացու հիվանդությունների բռնկման, հատկապես երեխաների շրջանում, ասում են իրավապաշտպանները:
«Իսրայելի իշխանությունները պատասխանատու են ջրամատակարարման և կոյուղային ենթակառուցվածքների ոչնչացման, ներառյալ դիտավորյալ ոչնչացման համար, ինչպես նաև ջրի, էլեկտրաէներգիայի և վառելիքի հասանելիության դադարեցման կամ լուրջ սահմանափակումների համար»,- նշել է կազմակերպության ղեկավարությունը՝ զգուշացնելով, որ նույնիսկ ռազմական գործողությունների դադարեցումից հետո մարդիկ կշարունակեն մահանալ մաքուր ջրի բացակայության պատճառով։
2023թ․ հոկտեմբերից ի վեր, ըստ 184 էջանոց զեկույցի, գրանցվել է սուր լուծի մոտ 670,000 և դեղնախտի ավելի քան 132,000 դեպք: