ԱՄՆ դիվանագետները Սիրիայում են

Ամերիկացի դիվանագետները գտնվում են Սիրիայի մայրաքաղաք Դամասկոսում, որտեղ նրանք նախատեսում են հանդիպել երկիրը վերահսկող Հայաթ Թահրիր ալ-Շամ խմբավորման ներկայացուցիչների հետ, որոնց Վաշինգտոնը դեռևս համարում է ահաբեկչական կազմակերպություն:
Այցը հաջորդում է ՄԱԿ-ի և այլ երկրների, այդ թվում՝ Մեծ Բրիտանիայի, Ֆրանսիայի և Գերմանիայի պատվիրակությունների այցերին:
Սա ավելի քան մեկ տասնամյակի ընթացքում Դամասկոսում ամերիկյան դիվանագիտական առաջին պաշտոնական այնցն է:
«Պատվիրակներն անմիջականորեն կշփվեն սիրիացի ժողովրդի հետ, ներառյալ քաղաքացիական հասարակության անդամների, ակտիվիստների, տարբեր համայնքների անդամների և Սիրիայի հասարակության այլ ներկայացուցիչների հետ՝ երկրի ապագայի վերաբերյալ իրենց տեսլականի և այն հարցերի շուրջ, թե ինչպես կարող է ԱՄՆ-ն օգնել նրանց աջակցելու համար»,-ասվում է ԱՄՆ պետդեպարտամենտի խոսնակի հայտարարության մեջ։